Вілейскі раён быў прадстаўлены на фестывалі ўдзельніцамі ва ўсіх чатырох узроставых групах: у першай выступалі вучаніцы гімназіі №2 Паліна Вазняк і Нарачанскай школы Дзіна Дзевяцень; у другой — Алена Шыкавец з той жа вілейскай гімназіі і студэнтка ІІІ курса Мінскага дзяржаўнага каледжа мастацтваў Яна
Хадановіч; трэцюю прадстаўлялі таксама трэцякурсніца каледжа мастацтваў Вікторыя Ількевіч і студэнтка Беларускага дзяржаўнага педуніверсітэта імя М. Танка Таццяна Макарэвіч; чацвёртую — ды
рэктар Лыцавіцкага сельскага дома культуры Марына Шарафановіч і студэнтка Беларускага дзяржаўнага універсітэта культуры і мастацтваў Святлана Каркотка. Кожная са спявачак, акрамя Вікторыі Ількевіч, у рэгіянальным фестывалі ўдзельнічала ўпершыню. А вось Віка ўжо двойчы — у 2006ым і 2007ым гадах — была дыпламантам "Адной зямлі". Акрамя таго, дзяўчына стала ўладальніцай Гран пры першага раённага конкурсу "Зоркі Вілейшчыны" 2006 года, лаўрэатам другога адкрытага конкурсу юных выканаўцаў эстраднай песні "Маладзечна2007", дыпламантам абласнога фестывалю эстраднай песні "Вясеннія рытмы2007", лаўрэатам першага адкрытага рэспубліканскага конкурсу мастацтваў "Вікторыя2007".
Ацэньвала выступленні лепшых спевакоў рэгіёна кампетэнтнае журы пад старшынствам народнага артыста Рэспублікі Беларусь, кампазітара Валерыя Іванова. Вельмі адказна і хвалююча спяваць перад такой прафесіянальнай аўдыторыяй. І тым больш цэніцца перамога ў такім конкурсе. Пра тое, як хораша спявалі артысты, расказваць няпроста —выступленні трэба было бачыць і чуць. А што датычыць вілейскіх
спявачак, то красамоўней за ўсё пра іх поспехі раскажуць ацэнкі журы: Паліне Вазняк аддадзена першае месца ў першай узроставай групе, Алене Шыкавец — другое ў другой групе. Нагадаю, што дзяўчаты — салісткі ўзорнай студыі "Экспромт", якім кіруюць Нэлі і Алег Зайцавы. Таццяна Макарэвіч заняла трэцяе месца ў сваёй узроставай групе. Чытачам, відаць, вельмі хочацца ведаць, каму ж са спевакоў рэгіёна журы прысудзіла гранпры фестывалю. Не буду інтрыгаваць і паведамляю: найвышэйшая ўзнагарода ў нашай Вікторыі Ількевіч. Ды і хто б сумняваўся, Вікторыя і павінна быць у Вікторыі! Акрамя Дыпломаў, пераможцы атрымалі добрыя падарункі (імі сталі пыласосы, тэлевізары і нават пральная машына), многа многа кветак і віншавальных слоў. Наперадзе — многа розных конкурсаў і фестываляў, а значыць, надзей і перамог. А Вікторыя Ількевіч ужо зусім хутка плануе прыняць удзел у Рэспубліканскім конкурсе "Белазаўскі акорд2008". Поспехаў!

Ірына БУДЗЬКО
Шлях Перамогі

На здымку: настрой вілейскім артыстам не сапсаваў дожджык. Хіба да яго, калі такім удалым было выступленне!