У Вялейцы адкрыўся чэскі фестываль дакументальных фільмаў "Адзін сьвет".

Гэткі фестываль адбываецца ў Чэхіі, у Празе й многіх рэгіянальных гарадах, а таксама праводзіцца ў іншых краінах. Вялікую ўвагу арганізатары ўдзяляюць краінам былога Савецкага Саюзу. У гэтым годзе фэст праводзіцца й у шэрагу гарадоў Беларусі - у тым ліку і ў Вялейцы. На першым паказе прысутнічаў госьць з Чэхіі, які распавёў пра гэты фестываль, а таксама дапамагаў наладзіць абмеркаванне пасьля прагляду фільма.

Першым у Вялейцы быў паказаны фільм "Тыбет. Страчаныя людзі". Усе фільмы дубляваны па-беларуску.

Плануецца, што кожны тыдзень будзе прадстаўлена па адным фільме. Калі нехта жадае наведаць прагляд у Вялейцы або перапісаць сабе фільм, то зьвяртайцеся па нумары (8029) 272 94 86 (Якуб).