У Вялейцы адбудзецца агульнанацыянальная дыктоўка. Дыктоўка пройдзе па ўсёй краіне. У папярэдняй "трэніровачнай" дыктоўцы ўжо прынялі ўдзел паслы: часовы павераны ў справах Славаччыны ў Беларусі Любамір Рэгак, часовы павераны ў справах Вялікабрытаніі Найджэл Гулд-Дэвіс, прадстаўнік Швэцыі Стэфан Эрыксан. Разам зь імі й паслы іншых краінаў паабяцалі прыняць удзел у агульнанацыянальнай дыктоўцы.

    Гэткія дыктоўкі ўжо ня першы год праводзяць розныя эўрапейскія краіны: Літва, Польшча, Латвія... Іх мэта - ратаванне мовы, яднанне нацыі.

    У Аргкамітэт па правядзенні беларускай дыктоўкі ўвайшлі кіраўнікі найбуйнейшых грамадскіх арганізацый: старшыня Мінскай гарадской арганізацыі ГА «БНФ «Адраджэнне» Віктар Івашкевіч, кіраўнік ГА ЗБС «Бацькаўшчына» Аляксей Марачкін, віцэ-прэзідэнт Міжнароднай фэдэрацыі правоў чалавека Алесь Бяляцкі, старшыня ГА «Таварыства беларускай мовы імя Ф. Скарыны» Алег Трусаў, старшыня ГА «Саюз беларускіх пісьменнікаў» Алесь Пашкевіч, старшыня ГА «Беларускі ПЭН цэнтар» Уладзімер Някляеў, старшыня ГА «Беларуская асацыяцыя журналістаў» Жана Літвіна.

    Заклікаю ўсіх далучыцца да першай агульнанацыянальнай дыктоўкі. Далучыцца можа любы жадаючы. Тэлефануйце на нумар (8029) 272 94 86 (Якуб). Ад кожнага з нас залежыць будучыня Радзімы!

    Падрабязьней пра дыктоўку гл. тут: http://www.zbsb.org/n3/2170.shtml

Праглядаў: 274