У які храм беларусы ходзяць ахвотней? Святары якой рэлігіі працуюць з моладзю? За якія грошы вырастаюць новыя і новыя храмы ў краіне атэістаў? Пішыце свае разважанні

Дададзена праз 2 гадзіны 56 хвілін 46 секунд:

Я тут пазнаёміўся з пратэстантамі: адвенцістамі 7 дня і хрысціянамі веры евангельскай. Складваецца ўражанне, што каталіцызм і праваслаўе на фоне гэтых пратэстанцкіх плыняў зуім не рэлігіі. Адвенцісты і баптысты, хоць іх назваюць сектамі, адносяцца адзін да аднаго, да сваіх братоў і сясцёр у веры, як да блізкага свайго. У другіх такога не сустракаў.

Беларусы маюць выбар: праваслаўе (расейскай юрысдыкцыі), каталіцызм (заходні і ўсходні абрады), розныя плыні пратэстантызму, іслам, іудаізм, паганства.
Прыходзячы ў рэлігійныя супольнасьці, дзе беларусы маюць кантакт зь беларускай мовай і культурай? У рыма- і грэка-каталікоў.

Ну и напэўна пратэстанты ёсьць беларускамоўныя!
Я бачу для маладафронтаўцаў рэлігійны чыньнік мае вялікае значэньне.
Там шмат хлопцаў пратэстантаў і з Богам у душы яны ідуць на арышты, суды, адсідкі.
Мабыць і на сьмерць так вось смела пойдуць, калі спатрэбіцца.

Рэлігія любові да Бацькаўшчыны. Рэлігія, якая абвесьціць, што перад усім - адраджэньне Краю (у нармальным разуменьні самастойнай дзяржавы: свая нацыянальная мова, нацыянальныя сымбалі, нацыянальныя прыярытэты, нацыянальныя інтарэсы, каштоўнасьці ў першую чаргу...) Рэлігія, на сьцягу якой будзе напісана: "Беларусь за ўсё вышэй!"(подпіс:БОГ). Пад гэтым надпісам могуць быць намаляваныя крыжыкі рознага кшталту, зорачкі розных формаў, месяцы-паўмесяцы, нават чэрап&косьці... Рэлігія, якая навучыць любіць і шанаваць гэтую зямлю, а не віртуальнае "царство небесное" (якое абавязкова знаходзіцца чамусьці ў раёне Рыму альбо Лужковіі-Масквы). Рэлігія - гэта ўсяго толькі спроба людзей усталяваць стасункі з Богам. "Напачатку стварыў Бог неба і зямлю". І гэта азначае, што напачатку было Беларускае неба створана і Беларуская зямля. Рэлігія можа быць рознаю, але абавязкова па-сутнасьці беларускаю.

-=Рэлігія любові да Бацькаўшчыны=-

Ну, тады вам дакладна ў паганцы. Хрысціянскі Бог пад такім не падпішыцца. Па Бібліі ўвогуле сама разнастайнасць моваў паходзіць ад граху, значыць вырай - у адзінамоўі ўсіх людзей зямлі. А што апостал Пётр казаў? Ідзіце ў іншыя народы і вынішчайце іх веру, іх багоў і нават імёны іхнія. А што ў нашай традыцыйнай веры мае найбольшую пашану, пакланенне? Дзяды. Значыць, вынішчаць памяць пра продкаў? Іх імёны? Тое, як яны звалі свой свет і ўсё існае ў ім?

Так, я згодная з вамі, нас выратуе толькі нацыянальная рэлігія. Ээх, каб Хрыстос быў беларусам! Усё было б так проста! Мы б маглі з чыстым сумленнем беларусізаваць свет і прывесці яго да адной мовы - беларускай!

А ці можа чалавек (нацыя, чалавецтва) жыць без рэлігіі?

Вядома ж, можа. Тутака тады паўстае пытаньне - як жыць? За бальшавікамі паспрабавалі пажыць бяз рэлігіі. А каму і лукашызм - рэлігія. Ці ні дзякуючы іўдаізму жыды захаваліся як народ ды яшчэ стварылі сваю краіну, бо гэта была і ёсьць нацыянальная рэлігія. Польшча, Прыбалтыка выжылі, вытрымалі шалёны ціск маскалёў дзякуючы менавіта адзінай аб'ядноўваючай рэлігіі, якая супрацьпастаўлялася усходняму праваслаўю. У нас жа намяшана ўсяго. Талерантныя. Нам і атэізм, і камунізм, і хрысьціянства, і паганства - усё да абы чаго. І скацінку любім і дубінку. Вынікам - сёньняшні стан краіны.

Рэлігія, як ідэалогія, павінна гуртаваць народ у адно цэлае. Ідэалогія мусіць адлюстроўваць нацыянальныя здабыткі народа, так і рэлігія павінна не выракацца тых здабыткаў на карысць іншых.

У 1999 годзе паміж двума беларускімі камітэтамі ў Адэлайдзе паўстала дыскусія на тэму - што найважней у жыцьці сьвядомага беларуса - Бацькаўшчына ці Бог? Так, прадстаўнікі абодвух камітэтаў лічылі (і думаю лічаць сябе і сёньня) прадстаўнікамі адзінай беларускай нацыі. Аднак да агульнай думкі не прыйшлі. Хоць 40-30 гадоў таму назад такой праблемы не існавала.
Вось вам і адказ на тэму - ґрэлігія мусіць не выракацца... нацыянальных здабыткаўґ.
Бо здабыткі гэтыя, блішчаць па рознаму ў розны час.

Вось вам і адказ на тэму - рэлігія мусіць не выракацца... нацыянальных здабыткаў.

Тады рускую праваслаўную царкву трэба мяняць, напрыклад, на беларускую аўтакефальную. У Вялейцы праваслаўныя беларусы ходзяць у царкву, пабудаваную ў гонар здушэньня паўстаньня Кастуся Каліноўскага!!!

Якая рэлігія патрэбна беларусам?

Адносна рэлігіі і паўстаньняў, рэлігіі і будынкаў, рэлігіі нацыянальнай сьвядомасьці.
Ці была біблія створана для вырашэньня нацыянальных пытаньняў? І дзе аб гэтым у бібліі пішацца?

Мне падабаюца вось гэтыя словы зь літургіі Сьв. Яна Златавуснага, што адпраўляецца ў парафіях Беларускай Грэка-Каталіцкай Царквы:
"За Богам сьцеражоную краіну нашу Беларусь і ўвесь беларускі народ, за стойкасьць у веры, мужнасьць у выпрабаваньнях і вернасьць свайму народу ўсіх нас Госпаду памолімся."
Вера азначае аддаваць належнае Богу і бліжняму, таксама й Бацькаўшчыне. Добрая вестка Хрыстова павінна быць прапаведавана ва ўсіх культурах, для ўсіх народаў. Гэта не азначае, што якаясь культура і мова маюць права быць выключнай і навязанай іншым.
Акт веры дабраахвотны, навязваньне і прымус супярэчаць Хрыстовай навуцы.
ЗЫ. Паводле канстытуцыі РБ грамадзянам гарантуецца роўнасьць канфэсіяў і права вызнаваць сваю веру ці не вызнаваць ніякай.

Ці была біблія створана для вырашэньня нацыянальных пытаньняў? І дзе аб гэтым у бібліі пішацца?

Біблія вырашае нацыянальнае пытаньне аўтараў бібліі...

А ці патрэбна ўвогуле Біблія чалавеку веруючаму?
Для таго, каб верыць у Бога неабавязкова хадзіць у касцёл, не абавязкова чытаць Біблію. Галоўнае, каб у чалавека пачуццё веры прысутнічала ў свядомасці. Усе кнігі пішуцца рукой чалавека. Як сказана ў самой Бібліі, не пакланяйся тварэнню рукі мастака, то бок абразам, так і самой Бібліі нельга надаваць такое вялікае значэнне, як надаецца

makarevich піша - А ці патрэбна ўвогуле Біблія чалавеку веруючаму?
На маю думку біблія патрэбна не толькі веруючым, але і неверуючым, шукаючым адказы на шматлікія пытаньні людзям. Біблія пісалася не адзін год і не адной асобай. Гэта крыніца адчыненых і схованых адказаў.

makarevich піша -Для таго, каб верыць у Бога неабавязкова хадзіць у касцёл, не абавязкова чытаць Біблію.
На маю думку тады вера ператвараецца ў нейкую абстрактную форму, не пацьверджаную ведамі, не звязаную з канкрэтнай асаблівасьцю выбранай галіной рэлігійнага інстытута. Так калісьці казалі дрэўнія філосафы, якія лічылі, што душа жыве недзе ў целе чалавека. Як можна належыць да сацыяльнай групы здалёку? Не прыймаючы ўдзелу ў жыцьці і падзеях гэтай групы?