Едучы зь Менску на Вялейку па трасе Менск - Мядзел можна спыніцца на запраўцы ў Ільлі. Тут гарачым летам можна набыць прадукцыю Кока-Колы. Асартымент вялікі. Купляеце нават напоі бяз цукру. Файна. Цывілізацыя :)) Плоціце грошы. Дзяжурная ў закратаванай будцы націсьне кнопачку і лядоўня адчыніцца. У руцэ бутэлька з халодным напоем. Цётка запытае: "Пакажыця, што ўзялі." - "Толькі тое, за што заплаціў." - "Ну, добра." Belarusian service :))

ня быў там ні воднага разу, але гучыць павабна

Там ёсьць буфет, які называецца "Хутарок" па-беларуску напісана. І яго ўладальнікі вельмі добрыя людзі. Ён на тэрыторыі тэхнікума.

калі буду, дык заеду. цэнікі якія там?

Ну, ён жа для студэнтаў, таму цэны арыентаваныя на іх. Але буфет цяжкавата знайсьці, трэба пытацца ў вахцёра тэхнікума!

Вось ня ведаю, ці ёсьць у Ільлі імша па-беларуску. На якой мове ксёндз кажа казань? Ці ёсьць сярод парафіянаў навучэнцы ільлянскага тэхнікуму. Што скажаце?

Добрая навіна з калявялейскіх ваколіцаў. У Маладэчне на АЗС № 5 адчынілася міні-піцэрыя. Адрас: вул. Янкі Купалы, 74 (гэта калі ехаць зь Вялейкі на Менск праз Маладэчна, на шляху зь левага боку). Там яшчэ крама ёсьць. Пішыце, калі хто наведае і ацэніць. Ці варта завітваць? Як якасьць і абслугоўваньне?

як яхаў з фэсту, дык ад маладзечна дабіраўся аўтаспынам. узяў украінец- дальнабой. вельмі дзівіўся аб адсутнасьці на беларусі начнога жыцця. па трасе аніводнага прыстойнага бару за ўсю ноч. поўныя кішэні грошай - а няма дзе траціць. казаў на ўкраіне ледзь не праз кожны кіламетр стаяць кавярні

Крама птушкафабрыкі імя Дзяржынскага ля ўнівэрсаму "Вілія". Прывезьлі тавар. Людзі, якіх даволі шмат, стаяць у чарзе. Багата пэнсіянэраў, якія прыйшлі купіць таннай пячонкі ці курыных страўнікаў. Далучаюся да чаргі. Месца ў краме мала, дык людзі занялі ў ёй усю прастору і нават стаяць на вуліцы. Чарга паціху пасоўваецца. Бабулька купляе курыныя страўнікі. Хоча ўзяць яшчэ і пячонкі, але грошай не хапае. Зьбіраецца сысці, але тут кабета гадоў 45, дае ёй 500 рублёў. Як раз хапае. "Дык дзе Вы жывіцё, як мне Вам аддаць?" - пытае старая. "Ат, ня трэба, не вялікія грошы..." "Прапусьціце цяжарную жанчыну" - просіць пажылая кабета з хваста чаргі і падпіхвае маладзіцу наперад да касы. "Не саромься, праходзь, бо табе ж цяжка тут чаргу стаяць..." І на "Зэніце", і ў Воўкаўшчыне і на "Шанхаі" на вячэру будзе сёньня смачная курыная пячонка з вантробамі...

http://news.tut.by/society/116719.html