Кніжка Чэслава Кудабы "Па Вяльлі" (у афіц. правапісе "Па Віліі"), што выйшла ў беларускім перакладзе спн. Галіны Войцік у 1992 годзе ў Менску сталася знакавай падзеяй, а таксама прыцягнула ўвагу вялейчукоў. На ейных старонках было зьмешчанае паданьне пра Сьцяпана-краўца і ягоную каханую Вяльляну. Таксама й гравюра мастака Пасака, прысьвечаная ёй. Адной з ідэяў, што нарадзілася тады, была менавіта такая - усталяваць у Вялейцы помнік легендарнай Вяльляне.
Сёньня мара вялейчукоў сталася рэальнасьцю. Маем бронзавую фігуру Вяльляны ў цэнтры мястэчка. Аўтары праекту мадыфікавалі паданьне. Так, крывіцкая дзяўчына ня плача па абернутым у камень каханым, але гукае яго. У гэтым ёсьць пэўны момант аптымізму. Таксама бачна па гэтым, што Вяльляне не стае каханага, што яна любіць яго. Вобраз дзяўчыны ў такім ракурсе робіць ідэал вернасьці і адданасьці спраўджаным і ўшанаваным.
Сёньня маюць нарадзіцца традыцыі, зьвязаныя з Вяльлянай. Мы самі ствараем іх.
Дарэчы, гэты форум - добрая нагода сказаць добрыя словы ў адрас нашых гараджанаў, якія рэалізавалі гэты праект. Тое, што ў цэнтры нашага гораду знаходзяцца такія аб'екты, стварае яму ўласнае аблічча й індывідуальнасьць.
Аддаю свой голас за падзею году з культурнага жыцьця Вялейшчыны - усталяваньне выявы Вяльляны

А тут ёсць Фотаздымачкі.

Што тычыцца ўражанняў ад помніка Вільляне. Калі наконт скульптуры дзесьці можна згадіцца,растлумачыць тым, што гэта аўтарскае пераасэнсаванне, уласная ідэя вобразу, а не ілюстрацыя сюжэту падання. Але, што тычыцца месца, де знаходзіцца помнік, я дакладна не згодна!!!Не бачу ніякай логікі: крама "Кругазор", "Асолода".Там яна ўвогуле губляе ўсялякі сэнс.Вільляна - легендарная дзяўчына ,ад якой бярэ пачатак рака Вільля,і каб усталяваць помнік, мне здаецца , гэты факт неабходна было б улічыць,хоць крыху прывязаць дзяўчыну да вады .Магчыма пашукаць месца ў ніжнім парку. Але ў якім стане знаходзіцца ніжні парк? Ці ёсць каму да гэтага справа?...

bublikvera, правільна, лепш бы было паставіць на беразе Вяльлі.
Але там ёй бронзавыя рукі хутка паадпілоўваюць!

Дарэчы, кніжка Чэслава Кудабы - вельмі цікавая. Усім раю пачытаць...

Можна было б зрабіць такім чынам, каб было цікава , прыгожа і бронзавыя рукі засталіся на месцы. Напрыклад, скульптура магла б знаходзіца не на беразе ракі, а абмывацца вадой. На гэты конт можна ўзгадаць скульптуры Нясвіжскага парку, там можна знайсці шмат цікавых прыкладаў.(Я не маю на ўвазе тое, што абавязкова капіраваць ў кагосьці.)

Так, крэатыўна.

У фантан яе трэба ўставіць.

адразу так і плянавалася.

Апрануць у бікіні, памер бюсту павялічыць, пафарбаваць на бландынку і людзі, я думаю, пацягнуцца, і спадабаецца нашым людзЯм... Не чапайце дзяўчыну, можа, яна ў хвантане тым утапілася б...

У школьнай бібліятэцы яе няма!
Ну як тут вучонай стаць! Я ў роспачы.

Мястэчка? Горад са слаўнай гісторыяй!
Іншая справа, што Вялляна не ўдалася. Задуменнасці ў яе не стае, рамантычнасці. Скульптару б яе з мяне ляпіць. Можа нясціпла, але справядліва.
Зоя Справядлівая.

Якая б крытыка ні гучала, але ў нашым слаўным горадзе Вяльляна - найлепшы помнік.

А колькі харошых помнікаў на гарадскіх могілках нашага слаўнага горада!
Зоя.

Зоя, прапаную абраць іншае месца для шпацыру і сустрэчаў рамантычных...

А я люблю гуляць па могілках. Там ты разумееш часовасьць свайго існаваньня і нязначнасьць многіх праблемаў.