У раёне Воўкаўшчына разьбіраюць краму. Яна знаходзіцца каля прыпынку адзінкі перад канцавой. Разьбіраюць паступова і метадычна: спачатку шкло, потым астатняе: краты, сьцены. І ніхто нічога ня робіць.

У Вялейцы адчыніўся мотасезон. Байкеры з Вялейкі, Маладэчна, Менску , Смаргоні праехалі па цэнтральнай вуліцы гораду і а 11 гадзіне раніцы ўехалі ў Ніжні парк. Апроч іх выступалі вялейскія рыцары, гурты Дзеці Індыга і Дзень незалежнасьці. Удзельнічаў мота-гурток пры Вялейска- Мядзельскім ДТСВАФ Праходзілі конкурсы для ўсіх жадаючых. Ідэйны натхняльнік мерапрыемства- Сяргей Марынюк, байкер зь Вялейкі.

Колькасць забойстваў і замахаў на забойства ў нашым рэгіёне ў 2007 годзе склала 4,9 працэнта ад агульнай па краіне. Колькасць жыхароў у рэгіёне – прыкладна 4 працэнты ад агульнай колькасці жыхароў Беларусі. На 100 тысяч насельніцтва краіны летась прыходзілася прыкладна 8 забойстваў. У нашым рэгіёне – амаль 9.

Здзіўляе, што пры ўсеагульнай эканоміі хапае на гэтае грошай. А таксама на тое, каб класці асфальт марозам і да прыезду чыноўнікаў ставіць людзям халяўныя платы. Толькі чамусьці ў цэнтры. У той жа час ноччу шмат дзе не гараць ліхтары, а на дарозе хапае лужын і могуць вадзіцца маньякі. У школе патрабуюць, калі толькі можна, выключаць святло ў кабінетах і на аудыторыі ставяць лічыльнікі электраэнергіі, каб лішняга не напалілі.